Plantun de Prouvènço

Pèr coumpara dos planto d'encò nostre

Cuscuta approximata & Anthemis maritima

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Uei-de-vaco(-marin)

Anthemis maritima

Asteraceae Compositae

Noms en français : Anthémis maritime, Camomille maritime.

Descripcioun :
Aquesto planto trachis dins li sablo en ribo de mar ounte fai de gràndi coulounìo. Douno de tijo lignouso souto terro d'ounte sorton de ramo couchado que se podon dreissa. Li bratèio soun bourdado de blanc.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Anthemis
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 6 à 9 mm
Flourido : Printèms

Sòu : Ca
Autour basso e auto : 0 à 50 m
Aparado : Noun
Mai à juliet

Liò : Mar - Sablo - Palun
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Anthemis maritima L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Anthemis maritima

ges

Coumpara Péu-de-lin(-di-sepalo-lusènto) emé uno autro planto

Coumpara Uei-de-vaco(-marin) emé uno autro planto